Әдістемелік бірлестіктің айлық жоспарына сәйкес қазақ тілі мен әдебиеті пән Б.К.Тапелова және К.Д.Шолахова ,,Қазақ тілі мен әдебиеті сабақтарында жасанды интеллект құралдарын қолдану'' тақырыбында шеберлік сыныбын өтті

Әдістемелік бірлестіктің айлық жоспарына сәйкес қазақ тілі мен әдебиеті пәнінің мұғалімдері педагог-зерттеуші  Б.К.Тапелова және К.Д.Шолахова ,,Қазақ тілі мен әдебиеті сабақтарында жасанды интеллект құралдарын қолдану'' тақырыбында шеберлік сыныбын өткізді. Мақсаты: қазақ тілі мен әдебиеті сабақтарында жасанды интеллект арқылы оқушылардың оқу, жазу, талдау және шығармашылық қабілеттерін дамыту, сонымен қатар білім беру үдерісін заманауи технологиялармен ұштастырып, мұғалімдерге оқыту процесін оңтайландырудың жаңа мүмкіндіктерін көрсетуге бағытталды.

Шеберлік сыныбы барысында D-ID және GAMMA платформаларын тәжірибеде қолданудың тиімді жолдары көрсетілді. D-ID платформасын қолданып, суреттерге анимация қосу арқылы сөйлейтін бейнематериалдар жасалды, ал GAMMA платформасын пайдалану жылдам әрі тиімді презентациялар дайындауға мүмкіндік берді.

Қатысушылар бұл құралдардың қазақ тілі мен әдебиеті сабақтарында тиімді қолдануға болатындығына көз жеткізді. Шеберлік сыныбы соңында мұғалімдер өзара тәжірибе алмасып, жаңа технологиялардың оқушылардың пәнге деген қызығушылығын арттырудағы рөлін талқылады.